LYDIA PÉREZ, CAMPIOA DE ESPAÑA DE LOITA LIBRE, VISITA 5º A

Dentro do obradoiro de Educación Emocional que se está a impartir en 5º, o xoves 19 de maio  contamos coa presenza de Lydia Pérez Touriño, deportista de alto nivel. Falounos da súa experiencia como loitadora na modalidade de loita olímpica. Animou ao alumnado a acudir ao Centro de Alto Rendemento, situado en Pontevedra, para familiarizarse con ese deporte. Na conversa que tivo connosco, insistiu no valor do traballo en equipo, e na importancia de esforzarse para conseguir pequenas metas a nivel profesional e persoal. Graciñas polo teu tempo Lydia!

 

VISITA DO PIRAGÜISTA NOEL DOMÍNGUEZ

Ao longo do mes de maio, estanse impartindo nas aulas de 5º uns obradoiros sobre intelixencia emocional. Por este motivo, o xoves 12 contamos coa presenza de Noel Domínguez, piragüista profesional. Explicounos que o máis importante na vida deportiva é saber manexar o éxito;  pero sobre todo o fracaso, do que sempre se saca unha aprendizaxe para a vida. Noel graciñas polo teu tempo!

"NAVEGA CON RUMBO"

Esta semana Federico Ramiro, enxeñeiro informático, veu ao colexio para impartir unha charla sobre a navegación segura e internet. Deunos dez consellos para manexarnos de xeito fiable pola rede. 

ACTIVIDADE SOBRE IGUALDADE

 O pasado venres, 6 de maio, tivemos unha actividade impartida por Priscila Retamozo,formadora en igualdade de xénero. A través deste obradoiro tentamos detectar estereotipos de xénero.   

VISÍTANOS FINA CASALDERREY

 O mércores, 4 de maio, contamos coa presenza da escritora, Fina Casalderrey, nas aulas de 5º. Tivo ao noso alumnado engaiolado, compartindo as súas experiencias e vivencias como mestra e creadora de historias para nenas e nenos. Explicounos o motivo que a levou escribir; e falounos sobre o libro que limos no 2º trimestre: O MISTERIO DOS FILLOS DE LÚA. Foi un placer contar coa súa presenza. Grazas FINA!

NAS VINDEIRAS SEMANAS... TALLER DE INTELIXENCIA EMOCIONAL

 

OBRADOIRO DE EDUCACIÓN PARA A SAÚDE

O xoves, 21 de abril, a psicóloga Alba Fernández Esperón, impartiu un obradoiro de "Educación para a saúde". O 28 de maio visitounos de novo, e continuou abordando a temática emocional na aula de 5°A. Hoxe, 28 de maio, iniciouse o taller de emocións na aula de 5° B, a cargo doutra especialista na materia. Nas dúas sesións que dura o taller, trátanse as habilidades sociais e ofrécense técnicas para a resolución de conflitos na vida diaria.