ANIVERSARIOS DECEMBRO

PARA DESPEDIR ESTE ANO 2.014, NADA MELLOR QUE CELEBRANDO CON ESTAS NENAS OS SEUS ANIVERSARIOS.
MOITÍSIMAS FELICIDADES ÁS CATRO E ... FELIZ ANINOVO 2.015!!

ÚLTIMO DIA DE "COLE" CO APALPADOR

O ÚLTIMO DIA DO "COLE" É MOI ESPECIAL PORQUE CELEBRAMOS QUE COMEZAN AS VACACIÓNS DE NADAL TOMANDO ROSCA E CHOCOLATE.
SEMPRE TEMOS UNHA VISITA INESPERADA, E ESTE ANO VEU VISITARNOS ... O APALPADOR!!.
PORTOUSE MOI BEN CONNOSCO AGASALLÁNDONOS CUNHA BOLSIÑA DE "CHUCHES".

O CARTEIRO VEU Á NOSA CLASE

O CARTEIRO CARLOS VEU HOXE Á NOSA CLASE PORQUE TIÑAMOS ALGO QUE REMITIR POR CORREO.
CONTOUNOS COMO SE MANDAN CARTAS E AGASALLOUNOS CUN CÓMIC.

 

ELABORANDO A NOSA PRIMEIRA TARXETA DE NADAL

AS NENAS E OS NENOS DE 5º ESTIVERON CONNOSCO NA CLASE PARA AXUDARNOS COAS TARXETAS DE NADAL.
ELABORAMOS O DEBUXO, PINTAMOS E ESCRIBIMOS A MENSAXE...


PERO TODO ISTO NON QUEDA AQUÍ...

VOTAMOS A NOSA CONSTITUCIÓN

CO GALLO DA CELEBRACIÓN DO DÍA DA CONSTITUCIÓN ESPAÑOLA, NAS AULAS, OS NENOS E NENAS APRENDEN "IN SITU" COMO É ISO DE VOTAR.
TAMÉN APRENDEN QUE A CONSTITUCIÓN É UN CONXUNTO DE NORMAS QUE TEÑEN QUE CUMPRIR TODAS E TODOS OS ESPAÑOIS, E DESCOBREN QUE NA NOSA AULA HAI TAMÉN UNHA SERIE DE NORMAS QUE TEMOS QUE CUMPRIR.
AGORA COMO SON UN CHISQUIÑO MÁIS MAIORES, A ESTAS CATRO NORMAS, ÚNENSE DOUS MÁIS QUE VOTARÁN PARA ENGADILAS OU NON NA NOSA CONSTITUCIÓN DA AULA.
QUEREDES VER COMO FOI A VOTACIÓN?
POIS MIRADE O BLOG E OS TRABALLOS QUE DENTRO DE POUQUIÑO LEVARÁN Á CASA.

ANIVERSARIOS DE NOVEMBRO

A PIQUES DE REMATAR O PRIMEIRO TRIMESTRE DO COLE, AS NENAS E NENOS DE 3 ANOS CONTINÚAN MEDRANDO.
APROVEITAMOS PARA FESTEXAR E FELICITAR A TODOS E A TODAS.
FELICIDADES!!

DIA DOS DEREITOS DAS NENAS E DOS NENOS

AÍNDA QUE HOXE É O DIA NO QUE CELEBRAMOS OS DEREITOS DAS NENAS E NENOS, XA LEVAMOS TRABALLANDO SOBRE ESTE TEMA DENDE A SEMANA PASADA.
CONCRETAMENTE SOBRE O DEREITO DOS NENOS E NENAS A RECIBIR UNHA EDUCACIÓN, E COMO DICIMOS NÓS "OS NENOS E NENAS TEMOS O DEREITO DE IR AO COLEXIO PARA APRENDER UNHA MOREA DE COUSAS".
E É QUE NO PLENO SÉCULO XXI, HAI MOITÍSIMOS NENOS E NENAS (SOBRE TODO NENAS) NO MUNDO QUE NON PODEN IR AO "COLE".
MALALA É UNHA DESAS NENAS. SE LLE PREGUNTADES AOS VOSOS FILLOS E FILLAS SEGURO QUE VOS CONTAN ALGO SOBRE ELA.
E PARA FESTEXAR ESTE DIA .... ENCHEMOS AS AULAS DE VIRAVENTOS!

E DESPOIS SAIMOS AO PATIO CON ELES PARA CONTINUAR A CELEBRACIÓN.

SESIÓN DE CONTOS ILUSTRADOS NA BIBLIOTECA

O VENRES FOMOS A BIBLIOTECA DO COLE PARA ESCOITAR A HISTORIA DE PANCHITO, UN PINGÜÍN ASTRONAUTA. AO MESMO TEMPO QUE QUIQUE NOS CONTABA A HISTORIA, CARLOS FACÍA OS DEBUXOS. DESPOIS FOMOS NÓS QUENES SEGUINDO AS INSTRUCIÓNS DE CARLOS, DEBUXAMOS A PANCHITO, E FIXÉMOLO MOI BEN!!!.

O MAGOSTO

MENOS MAL! HOXE DE MAGOSTO E POLO MENOS TIVEMOS SOL PARA GOZAR DESTA FESTA NA COMPAÑA DE ANTÍO, QUE XA LEVABA UNHAS SEMANAS DE VISITA POLO COLEXIO.
MENTRES TRABALLABAMOS NAS AULAS, PACO ESTIVO PREPARANDO O LUME.
NÓS FOMOS VER COMO FACÍA, XUNTO COS NENOS E NENAS DE 6º DE PRIMARIA, A FOGUEIRA ONDE IAMOS ASAR AS CASTAÑAS PARA TODOS E TODAS AS NENAS DO "COLE".
DESPOIS DE COMELAS NA AULA E SAIR UN POUQUIÑO A XOGAR NO RECREO, ESTIVEMOS FACENDO DIFERENTES XOGOS NO PAVILLÓN.
AO REMATAR O DIA, ALGÚNS E ALGUNHAS ESTABAMOS TAN CANSOS QUE DECIDIMOS BOTAR UNHA PEQUENA SIESTA PARA REPOÑER FORZAS.

OS NOSOS CARIÑÓMETROS

NA CLASE TEMOS COLOCADOS OS CARIÑÓMETROS.
NELES MEDIMOS O NOSO CUMPRIMENTO DAS NORMAS.
XA LEVAN FUNCIONANDO VARIOS DÍAS E ALGUNHAS NENAS E ALGÚNS NENOS XA CONSEGUIRON ESTRELIÑAS...

AS MASCOTAS

DESPOIS DE ELABORAR UNHA LISTAXE CON TODO O QUE SABEMOS DAS MASCOTAS, ESTÁ EMPEZANDO A CHEGAR ÁS AULAS MOITÍSIMA INFORMACIÓN SOBRE ELAS COMO CONTOS, FOTOGRAFÍAS E PEQUENOS TRABALLIÑOS, QUE IREMOS, POUQUIÑO A POUCO, LENDO E EXPOÑENDO NA AULA. DESTE XEITO IREMOS COÑECENDO MÁIS COUSAS SOBRE O MUNDO DAS MASCOTAS E O MÁIS IMPORTANTE, CONTADO POLAS E POLOS PROTAGONISTAS DAS AULAS.
AS NENAS E OS NENOS, POR SUPOSTO!

VISITAMOS AS AULAS DE 5 ANOS

AS NENAS E NENOS DE 3 ANOS COMEZARON O COLEXIO E AÍNDA NON TEÑEN MASCOTAS NAS SÚAS AULAS.
PERO ISO VAI CAMBIAR DENTRO DE POUCO, XA QUE COMEZAMOS O NOSO PROXECTO SOBRE AS MASCOTAS.
DURANTE ESTES DIAS, AS NENAS E NENOS TROUXERON INFORMACIÓN SOBRE AS SÚAS MASCOTAS A TRAVÉS DE FOTOGRAFÍAS, CADROS, PEQUENOS TRABALLOS, ETC, PARA DESPOIS CONTALO AOS SEUS COMPAÑEIROS.
TAMÉN SAÍMOS DAS NOSAS CLASES NA PROCURA DAS MASCOTAS DOS NENOS E NENAS MÁIS VELLOS DE INFANTIL E UNHA VEZ ALÍ NOS CONTARON COMO SE CHAMAN AS MASCOTAS DAS SÚAS CLASES, QUE TIPO DE MASCOTA SON, ...
PORTÁMONOS XENIAL E APRENDEMOS MOITÍSIMAS COUSAS.
TAMÉN APROVEITAMOS PARA VER A EXPOSICIÓN DE CABAZAS QUE OS MAIORES TIÑAN POSTO NO CORREDOR DO COLEXIO.
HABÍA ALGUNHAS CABAZAS QUE DABAN AUTÉNTICO MEDO!!

PRIMEIROS ANIVERSARIOS DO CURSO

NESTE CURSO, AS NENAS E NENOS DE 3 ANOS, CELEBRARON OS SEUS PRIMEIROS ANIVERSARIOS NO "COLE".
COMO EN SETEMBRO PASARON ALGÚNS ANIVERSARIOS E AÍNDA NON COMEZARA O COLEXIO, DECIDIMOS XUNTAR OS ANIVERSARIOS DE SETEMBRO COS DE OUTUBRO.
É POR ISO QUE NESTE ÚLTIMO DIA DE OUTUBRO APROVEITAMOS PARA SOPRAR VELAS EN 3 ANOS A E B.
MOITÍSIMAS FELICIDADES A TODAS E TODOS!!

24 DE OUTUBRO, DIA DA BIBLIOTECA

O XOVES, LAMPI DEIXOUNOS NAS AULAS UN DEBUXO DE MAFALDA E UNHA TIRA DE CÓMIC..
AO PRINCIPIO NON SABIAMOS QUEN ERA LAMPI (É A MASCOTA DA BIBLIOTECA) E AS "PROFES" LEVÁRONNOS Á BIBLIOTECA PARA COÑECELO..
UNHA VEZ ALÍ, PUIDEMOS COMPROBAR QUE HABÍA MOITÍSIMAS TIRAS DE CÓMIC SOBRE MAFALDA E COÑECIMOS ALGO MÁIS SOBRE ELA, COMO POR EXEMPLO QUE NON LLE GUSTA NADA A SOPA E QUE SEMPRE COIDA DO PLANETA TERRA..
NA BIBLIOTECA FIXEMOS MÁIS COUSAS: PRESENTÁMONOS A LAMPI, CONTAMOS TODOS OS LAMPIS QUE HABÍA POR ALÍ E ESCOITAMOS MOI ATENTOS E ATENTAS, O CONTO QUE AS "PROFES" ELEXIRON PARA CONTARNOS..
Á VOLTA, DESPEDÍMONOS DE ANTÍO QUE XA CHEGOU OUTRA VEZ AO "COLE". ISO SIGNIFICA QUE A FESTA DAS CASTAÑAS ESTÁ MOI PRETO!.

LAMPI MÁNDANOS UNS LIBROS

HOXE O ALUMNADO DE 6º DE PRIMARIA VEU AS NOSAS AULAS E TRAÍA UNS CAIXÓNS MOI GRANDES CON LIBROS DA BIBLIOTECA DE LAMPI,TIVEMOS QUE ESCOLLER DOUS CADA AULA. SON LIBROS RELACIONADOS CON ESTA ÉPOCA, O OUTONO E TAMÉN CUNHA FESTA QUE PRONTO SE VAI CELEBRAR "O SAMAíN" . SEGURO QUE NOS VAN GUSTAR MOITO.

MASCOTAS

ANTÍO É UNHA MASCOTA. LAMPI É OUTRA MASCOTA. TEMOS NÓS MASCOTAS? QUE SON AS MASCOTAS?

ANTÍO VISITA A NOSA CLASE

ONTE, NA AULA DE 3 ANOS A E HOXE, NA AULA DE 3 ANOS B, TIVEMOS UN VISITANTE SORPRESA.
DESPOIS DE QUE AS "PROFES" NOS CONTARAN A HISTORIA DO ESQUÍO ANTÍO, RESULTA QUE ... O PROPIO ANTÍO DECIDIU VISITARNOS!
PETARON Á PORTA E ... SORPRESA! ERA ANTÍO EN PERSOA!
ALGÚNS TIVEMOS UN POUQUIÑO DE MEDO E NON NOS ATREVIMOS A FACERLLE AGARIMOS PERO OS QUE SI SE ANIMARON PUIDERON COMPROBAR O SUAVE QUE É.
AO FINAL, PROMETIU QUE VOLVERÍA AO "COLE" MOI PRONTO, CANDO TEÑAMOS MÁIS CERCA A FESTA DAS CASTAÑAS.
SABEDES POR QUE? PORQUE AS CASTAÑAS SON A SÚA COMIDA PREFERIDA!

ALGUÉN QUERE VIR Á ESCOLA CONNOSCO

NESTES DÍAS QUE COMEZAMOS Á ESCOLA ATOPAMOS CUN PERSONAXE QUE ANDA TOLIÑO POR ESTAR NA NOSA CLASE.
CHÁMASE ANTÍO.
TEMOS A SÚA HISTORIA E ESTAMOS FACENDO UN LIBRIÑO.
QUEREDES VER COMO VAI SENDO?

É UN LIBRO QUE NOS AXUDA A COÑECER A CLASE E SERVE DE CONTINUIDADE PARA O PERÍODO DE ADAPTACIÓN. MIRADE O ESQUEMA:

Antío quere ir á escola from xianadecide

CUARTO DIA DO PERÍODO DE ADAPTACIÓN

O ÚLTIMO GRUPIÑO ENTROU HOXE NO COLEXIO.
A PARTIR DE MAÑÁ, OS NENOS E NENAS DESTES GRUPOS COÑECERÁN A MÁIS COMPAÑEIROS E COMPAÑEIRAS.
LEMBRÁMOSVOS QUE AÍNDA ESTAMOS CON XORNADA DE 10.00 A 12.30 HORAS.

TERCEIRO DÍA DO PERÍODO DE ADAPTACIÓN

HOXE VENRES O GRUPO C EMPEZOU O COLE POR PRIMEIRA VEZ.
HOUBO ALGÚN CHORO,PERO DESPOIS PASÁRONO MOI BEN DENTRO DA AULA E NO PATIO.

SEGUNDO DIA DO PERÍODO DE ADAPTACIÓN

O SEGUNDO GRUPIÑO, O GRUPO B, COMEZOU HOXE NA ESCOLA.
AÍNDA CHEGA ALGÚN NENO CHORANDO PERO ... MENOS QUE ONTE!

PRIMEIRO DIA NO "COLE"

HOXE COMEZOU NO "COLE" O PRIMEIRO GRUPO DE NENAS E NENOS DE 3 ANOS (GRUPO A).
ALGÚNS E ALGUNHAS CHEGABAN UN POUQUIÑO ASUSTADAS E ASUSTADOS, ALGO NORMAL, PORQUE ERA A PRIMEIRA VEZ QUE VIÑAN AO COLEXIO DE MAIORES.
DESPOIS DE ESTAR COAS "PROFES", TODAS AS PREOCUPACIÓNS PASARON.

XA SOMOS MAIORES. COMEZAMOS NO COLE!

O DÍA 10, MÉRCORES, COMEZAREMOS A IR AO COLE. IREMOS EN GRUPOS PEQUENOS..
ESTARÁ AGARDÁNDONOS A NOSA PROFE CLARA OU A NOSA PROFE ESTHER.
TAMÉN HABERÁ MÁIS AMIGUIÑAS E AMIGUIÑOS.
TEMOS QUE PREPARAR O MANDILÓN E A BOLSA COA MERENDA.
VAI SER ESTUPENDO!!!!
POUCO A POUCO IREDES VENDO AS NOSAS FOTOS DE PRIMEIROS DÍAS.