REFLEXIONAMOS SOBRE XOGOS E XOGUETES SEXISTAS

Hoxe nas nosas clases, a punto de rematar o trimestre e con campañas publicitarias, anuncios, folletos ou escaparates que nos enchen de imaxes con xoguetes, tivemos unha sesión coa profe Andrea adicada a comentar e reflexionar sobre igualdade na presentación dos xogos e xoguetes.

Houbo chuvia de ideas previas, comparación de catálogos da campaña actual e doutros anos, investigación por parellas, exposición da páxina escollida -entre as moitas atopadas- e valoración  dos resultados.

Tamén vimos e comentamos os seguintes curtos:

Rematamos coa lectura do conto "¿Dónde están las Reinas de Oriente?"

XUNTANZA DO CLUB DE LECTURA DE 3º

O martes chegounos unha carta de Lampi convidándonos para este xoves á primeira xuntanza do CLUB DE LECTURA DE TERCEIRO co libro ANIMALIA 1.VERDE de Xosé Tomás publicado por Xerais.

O noso Club ten cincuenta membros porque TODAS AS NENAS E OS NENOS leron sen obriga o libro. A voz foi "correndo" e o cómic enganchou as dúas clases. E xa averiguamos que hai tamén un ANIMALIA 2. BRANCO que alguén xa está lendo...e haberá un ANIMALIA 3.

As profes Azu e Susana esperáronnos na biblioteca en dúas sesións. Falamos do libro, falamos de lectura, felicitáronnos pola enorme participación  e animáronnos a continuar así...

Ao rematar as xuntanzas recibimos uns agasallos moi especiais para compartir nas nosas aulas ou recantos: o libro "Con los vecinos" e un xogo LEGO.

 

Foi tal o éxito que xa estamos "maquinando" cómo participar en novos Clubs de Lectura e conseguir máis contos e LEGOS para as nosas aulas.

CHARLA SOBRE SOROLLA

Hoxe fomos convidadas e convidados á asistir a unha charla organizada pola profe Pi e o alumnado de 2ºB sobre o pintor Sorolla.

Estivemos moi atentas e atentos. Sorprendeunos canta información tiñan sobre o pintor valenciano "Joaquín Sorolla e Bastida" con detalles da súa biografía e da súa extensa obra, tamén percorremos o mapa de España seguindo os seus pasos...Escoitamos que Sorolla tamén estivo en Galicia e ten obras con temática galega:

Os grupos de 3ºA, 4ºA e 4ºB asistiron á charla na biblioteca:

O grupo de 3ºB asisitiu á charla na aula de 2ºB:

Aplaudimos o seu traballo, o ben que o fixeron e agradecemos a súa invitación.

NORABOA!!!

A NOSA SORPRESA

E chegou o día!

Preguntaban para que era aquela caixa e para que eran as fotos...e nós caladiñas e caladiños.

Hoxe, día da entrega dos boletíns informativos do trimestre ás familias, desvelouse a sorpresa:

Unha árbore feita con "pezas" que amosan os nosos mellores sorrisos.

Pero aínda había máis, un código QR:

O código enlazaba cun video que recolle os nosos mellores desexos para o ano 2020 coas felicitacións das nenas, dos nenos e das profes. Esperamos que vos guste e podades compartir a mensaxe.

OS NOSOS AMULETOS

Pasou a exposición e tiñamos moita ilusión por levar os amuletos as nosas casas. Antes fixemos unhas fotos para preparar as montaxes de recordo, compartímolas con entusiasmo:

TRABALLANDO CO PLANO DE PONTEVEDRA

E agora tocou traballar co plano da nosa cidade. Non aparecen a maioría das nosas rúas porque vivimos un chisquillo fóra do centro, pero a actividade mantivo toda a nosa atención. Buscamos, localizamos, interpretamos...cantas rúas coñecidas, cantos lugares coñecidos, canto por curiosear...

Seguimos atentamente instruccións para facer un xogo de busca en plano e conseguimos os retos propostos.

10 de DECEMBRO - DECLARACIÓN UNIVERSAL DOS DEREITOS HUMANOS

Hoxe nas nosas clases recordamos que hai 71 anos na ONU aprobouse a Declaración Universal dos  Dereitos Humanos (DUDH), documento que recolle en 30 artigos os dereitos humanos considerados básicos. 

Comentamos e debatimos sobre algúns deles a partir dalgunhas imaxes e ilustracións:

AS NOSAS FUNCIÓNS VITAIS

E de todos os seres vivos, os que nos causan máis interese somos precisamente nós. De ahí que comezamos relacionando as tres funcións vitais cos órganos que nos axudan a realizalas:

ANIMAMOS A LER

Esta historia cautivounos desde o principio. Fomos lendo cada capítulo durante dez xornadas como un "descanso" no traballo...

O libro trata das aventuras de dez calcetíns e calcetinas, catro dereitos e seis esquerdos que decidiron fugarse da lavadora e percorrer mundo.

Tamén aproveitamos as historias para traballar expresión oral, vocabulario e recollimos o resumo nunha táboa.

Co gallo do Samaín e das "historias de medo" gozamos das aventuras da "nena zombie" Mortiña que chegou as nosas aulas. Houbo comprensión lectora, descricións, debuxos...

E moitas e moitos de nós mercamos os libros para seguir as súas aventuras.

A historia de bruxa regañadentes, que recordamos doutros anos, tamén trouxo "medo" ao tempo de Samaín. seguimos a historia con interese e traballamos o resumo.

25 N - HISTORIAS QUE NOS FAN PENSAR...

Hoxe a profe Andrea contounos dúas historias fantásticas que nos fixeron reflexionar e relacionar contra o maltrato de xénero e o dereito a igualdade.

O conto de "OVIÑA EN OVILANDIA" -Ovilandia, país en igualdade, cambia cando é invadida por uns estraños seres de Patriarc...- e a divertida historia de "LAS PRINCESAS LLEVAN PANTALONES" -princesa do século XXI que, ademáis de coroas e vestidos rosas, tamén leva pantalóns...-

Gustáronnos moito as historias. Grazas profe 😉

Preme para ver máis imaxes

PREPARAMOS AS TARXETAS DE NADAL

Semana do 2 ao 5 de decembro:
Comezamos revisando o que aprendimos o venres sobre Miró e vimos en pantalla unhas animacións con elementos "mironianos":

Vimos tamén algunhas ilustracións en libros de arte e na rede. Empregamos diferentes técnicas: collage,  incorporar elementos típicos dos cadros de Miró referidos a corpo-cabeza-ollos-nariz-engadidos varios seguindo "a sorte" cun dado, fondos en acuarela, rotuladores, ceras...

Os resultados sorprendentes e vistosos poderemos compartilos nuns días.
Traballamos moito coa nosa IMAXINACIÓN.

A NOSA CONSTITUCIÓN

Seguimos con dereitos e deberes...e chegamos a unha NORMA para todas e todos como é a CONSTITUCIÓN ESPAÑOLA.  Mañá, 6 de decembro, será o seu 41 aniversario e nas nosas clases traballamos sobre ela.

Recordamos o que aprendimos sobre España e as súas Comunidades Autónomas. Falamas de símbolos, idiomas...e novamente de dereitos e deberes.

PRESENTACIÓN SOBRE OS SERES VIVOS

Hoxe na clase de 3º B, unha vez clasificados os seres vivos en cinco tipos ou reinos, nos agardaba unha sorpresa organizada por dúas compañeiras...

Cristina e Inés prepararon unha presentación sobre os seres vivos e foron comentando variadas informacións que nos causaron moito interese. 

Estivemos atentas e atentos a todas as explicacións, ata vimos algún video e ao final fixemos preguntas. Houbo aplausos e felicitacións. Noraboa!!! 

Foi un traballo estupendo.

Estamos ilusionadas e ilusionados porque no próximo trimestre haberá un montón de presentacións...

COMEZAMOS A DIVIDIR

Agora que temos ben repasadas as táboas de multiplicar comezamos a traballar unha nova operación: A DIVISIÓN.

Practicamos na clase, repartimos obxectos, inventamos problemas...

Falamos dos seus elementos:

Montamos pequenas divisións e comezamos a resolver...Nós practicando e practicando resolvemos a resta mentalmente antes de escribir o resto.