O AUTOR DE KUSUMA CÓNTANOS OS SEGREDOS DO SEU LIBRO

 Héctor Cajaraville, autor de Kusuma, veu ó noso colexio o pasado 31 maio para contarnos cousiñas do seu libro, lido ao longo deste trimestre. Explicounos que Kusuma é unha fábula na que tentou  transmitir unha serie de valores como o traballo en equipo, o coidado do planeta, a igualdade e o respecto á diversidade. Foi unha charla moi enriquecedora; xa que o alumnado de 5º, puido preguntarlle ao escritor, tódalas aquelas  dúbidas que foron xurdindo cando o limos. Un libro absolutamente recomendable!👌

A CAMPIOA DE ESPAÑA DE BÁDMINTON DÁ UNHA CHARLA EN 5º B

Seguimos cos obradoiros de Educación Emocional que se están a impartir en 5º. Este luns, 30 de maio, visitounos a deportista de Salvaterra do Miño, Lucía Rodríguez. Ela combina o deporte, concretamente o bádminton, a nivel profesional, xunto cos estudos de 2º de Bacharelato. Falounos da súa experiencia no Centro de Alto Rendemento.  Contounos como  empezou a xogar a este deporte.

Tamén compartiu connosco as súas medallas! Graciñas Lucía! 

 

LYDIA PÉREZ, CAMPIOA DE ESPAÑA DE LOITA LIBRE, VISITA 5º A

Dentro do obradoiro de Educación Emocional que se está a impartir en 5º, o xoves 19 de maio  contamos coa presenza de Lydia Pérez Touriño, deportista de alto nivel. Falounos da súa experiencia como loitadora na modalidade de loita olímpica. Animou ao alumnado a acudir ao Centro de Alto Rendemento, situado en Pontevedra, para familiarizarse con ese deporte. Na conversa que tivo connosco, insistiu no valor do traballo en equipo, e na importancia de esforzarse para conseguir pequenas metas a nivel profesional e persoal. Graciñas polo teu tempo Lydia!

 

VISITA DO PIRAGÜISTA NOEL DOMÍNGUEZ

Ao longo do mes de maio, estanse impartindo nas aulas de 5º uns obradoiros sobre intelixencia emocional. Por este motivo, o xoves 12 contamos coa presenza de Noel Domínguez, piragüista profesional. Explicounos que o máis importante na vida deportiva é saber manexar o éxito;  pero sobre todo o fracaso, do que sempre se saca unha aprendizaxe para a vida. Noel graciñas polo teu tempo!

"NAVEGA CON RUMBO"

Esta semana Federico Ramiro, enxeñeiro informático, veu ao colexio para impartir unha charla sobre a navegación segura e internet. Deunos dez consellos para manexarnos de xeito fiable pola rede. 

ACTIVIDADE SOBRE IGUALDADE

 O pasado venres, 6 de maio, tivemos unha actividade impartida por Priscila Retamozo,formadora en igualdade de xénero. A través deste obradoiro tentamos detectar estereotipos de xénero.   

VISÍTANOS FINA CASALDERREY

 O mércores, 4 de maio, contamos coa presenza da escritora, Fina Casalderrey, nas aulas de 5º. Tivo ao noso alumnado engaiolado, compartindo as súas experiencias e vivencias como mestra e creadora de historias para nenas e nenos. Explicounos o motivo que a levou escribir; e falounos sobre o libro que limos no 2º trimestre: O MISTERIO DOS FILLOS DE LÚA. Foi un placer contar coa súa presenza. Grazas FINA!

NAS VINDEIRAS SEMANAS... TALLER DE INTELIXENCIA EMOCIONAL