CELEBRAMOS O NADAL NO COLEXIO

 Hoxe foi o último día do trimestre. Seguimos sen poder celebrar o Nadal coma nos gustaría, pero iso non impediu que gozásemos da xornada escolar con xogos, panxoliñas e diferentes actividades. Compartímosvos estas fotos! Agora toca descansar uns días! Pasádeo xenial durante estas vacacións! Bo Nadal!

VISITA DA ASOCIACIÓN OS PALLEIROS

Este mércores 15 de decembro viñeron visitarnos Gloria e Pili, membros da asociación OS PALLEIROS xunto con Neka, unha adorable cadeliña. A charla axudounos a tomar conciencia da importancia que teñen as mascotas nunha casa, do coidado que esixen e da responsabilidade que implican.

Gloria e mais Pili explicáronnos o labor que desenvolven como voluntarias en OS PALLEIROS.

 Moitas grazas pola visita e, sobre todo, polo traballo que desenvolvedes, de xeito altruísta e desinteresado, co fin de darlles unha vida digna a estes marabillosos animais.

O ALUMNADO DE 5º ANÍMASE CO SISTEMA SOLAR

Como ben saberedes estamos a traballar o Universo. Co gallo deste centro de interese algunhas nenas e nenos están traendo á aula a maqueta que fixeron nas súas casas. Parabéns polo voso traballo!👏 Grazas ás familias pola vosa axuda e colaboración no desenvolvemento deste proxecto!👌

 

UN SAMAÍN DE MEDO

 Este venres celebramos o Samaín no CEIP Vilaverde. As nenas e nenos de 5° viñeron con peiteados medorentos do máis orixinal. Tamén houbo un desfile coas variñas que fixemos nas aulas. Grazas á colaboración das familias houbo  tempo para gozar dunhas merendas monstruosas. Compartimos convosco este día de ledicia e emoción para o noso alumnado.

VISITA DA POLICÍA NACIONAL ÁS AULAS DE QUINTO

A Policía Nacional visitou as nosas aulas para falarnos da función que desenvolven na nosa sociedade. A charla centrouse na importancia de usar axeitadamente Internet. Asemade, expuxeron os perigos que podemos atoparnos na mesma. Explicáronnos que hai que dosificar o tempo adicado aos videoxogos. Faláronnos do ciberacoso e de adicións e enfermidades asociadas a un uso inapropiado da rede. Recomendáronnos ser moi prudentes cando interactuamos en xogos de tipo virtual (sobre todo se xogamos con persoas que non coñecemos persoalmente). Ensináronnos moitísimas cousas! 

Moitas grazas pola visita!

XA ESTAMOS EN 5º!

 O VINDEIRO DÍA 9 IMOS VERNOS NA CLASE.

ESTAREMOS NUNHA CLASE NOVA.

AS MASCOTAS ESCRIBIRÍANNOS? QUE NOVIDADES TERÁN?

 

 

FELICES VACACIÓNS!!!

VÉMONOS EN SETEMBRO

ENLACES FOLLETO SUXESTIÓNS DE VERÁN

NO ORDENADOR podedes facer actividades da aula virtual, do blog de clase, do blog de recursos e/ou facer tarefas de:

o      http://boj.pntic.mec.es/psuare2/ortografia.htm

o      http://roble.pntic.mec.es/~msanto1/ortografia/index1.htm

o      http://roble.pntic.mec.es/arum0010/#lengua

o      http://roble.pntic.mec.es/arum0010/#matematicas

o      http://roble.pntic.mec.es/arum0010/temas/multiplicacion.htm

o      http://roble.pntic.mec.es/arum0010/temas/ortografia.htm

o      http://www.accedetic.es/tablasdemultiplicar/tablasdemultiplicar.html

o      http://www.aplicaciones.info/lectura/lectura.htm#mayores

o      http://www.cristic.com/3o-y-4o-de-primaria/

o      http://www.educanave.com/primaria/indexprimaria.htm

o      http://www.mundoprimaria.com/juegos-lenguaje

o      https://www.mundoprimaria.com/juegos-educativos/juegos-matematicas

o      https://clic.xtec.cat/repo/index.html?lang=ca&language=es&level=PRI

o      https://luisamariaarias.wordpress.com/2014/05/02/recursos-3o-y-4o-de-primaria/

o      https://vedoque.com/sec.php?s=4

o      https://www.cokitos.com/category/juegos-para-ninos-de-9-anos/

o      https://www.mundoprimaria.com/juegos-educativos

o      https://www.educa.jcyl.es/educacyl/cm/gallery/Recursos_MundoPrimaria/cyl-2018-lengua/lengua/index.html

o      https://www.matematicasonline.es/pequemates/pequemates9/pequemates9-1.html

XOGOS ONLINE

·         https://www.sudoku-online.org/ SUDOKU

·         https://proyectodescartes.org/miscelanea/materiales_didacticos/reajuegos-JS/tangram_clsico.html TANGRAM

·         https://www.cokitos.com/tag/juegos-de-ahorcado/ AFORCADO

·         https://www.cokitos.com/pasapalabra-para-ninos/ PASAPALABRA

·         https://aprendeconrey.com/ XADREZ

·         https://www.cokitos.com/domino-educativo/ DOMINÓ

SUXERENCIAS LITERARIAS

Este curso 2020/2021 a pandemia tamén condicionou as nosas animacións lectoras e os préstamos e intercambios de libros. 

A biblioteca do centro estivo pechada e Lampi mandou recados virtuais.

Neste último trimestre, fixemos un esforzo extra de hixiene e "corentena" cos materiais.

Puxemos moita ilusión con novas lecturas e preparamos suxerencias para outras compañeiras e compañeiros. Unha selección destas recomendacións literarias aparecen no xornal do centro.

Con esta imaxe animamos a ler no verán:

                                         Bo verán e boas lecturas!!!

Biblioteca de Lampi

A CÁPSULA DO TEMPO

ACOLLIDAS: PASAMOS A 5º!

Este curso vai chegando ao seu fin e xa temos cun pé en 5º. Esta semana preparamos a primeira fase do Plan de Acollida.

Unha vez máis, vémonos afectadas e afectados pola pandemia.  Non é posible a coincidencia do alumnado de 4º e 5º nas mesmas aulas.

Así que fixemos visita ás aulas de 5ºA e 5ºB, as nosas futuras aulas, cando o alumnado estaba no patio.  

Unha nena e un neno de cada clase visitáronnos para comentar que tal lles foi durante este ano escolar. Teñen axendas máis grosas cun uso restrinxido debido á pandemia,  tamén usan libretas cuadriculadas e raiadas, teñen libros dixitais e teñen a Plástica bilingüe en inglés e galego, pero o que máis chamou a nosa atención son os ORDENADORES PERSOAIS de cor vermella  e o traballo en EDIXGAL.

Explicáronnos as dificultades atopadas e como aprenderon a manexarse coa teconoloxía, preguntamos, escoitamos, compartimos...e agradecimos o tempo que pasaron con nós.

MOITAS GRAZAS COMPAS DE 5º POLA ATENCIÓN ADICADA!!!