BO NADAL!!!

DESEXÁMOSVOS QUE PASEDES UNHAS FESTAS ESTUPENDAS EN COMPAÑÍA DOS VOSOS FILLOS E FILLAS. AH! E NON ESQUEZADES QUE Á VOLTA DE VACACIÓNS, OS NENOS E NENAS TEÑEN QUE TRAER A CARPETA DOS TRABALLOS BALEIRA!

ANIVERSARIOS DECEMBRO

SOMOS AS ÚLTIMAS NENAS EN CUMPRIR 4 ANOS; PERO, POR FÍN CHEGOU! XA SOMOS MAIORES!!!

DÍA DA CHOCOLATADA

POR FIN CHEGOU O DÍA DA CHOCOLATADA.
ESTABA BOÍSIMA!; ALGÚNS E ALGUNHAS REPETIMOS CHOCOLATE E ROSCA.
LOGO ESCOITAMOS CANTAR O CORO QUE CHEGOU XUNTO AO APALPADOR.
APALPOU AS NOSAS BARRIGUIÑAS E... QUE SORTE!!!
TROÚXONOS UNHA BOLSA DE CHUCHES!



DESEXÁMOSVOS UN FELIZ 2016. FELICES FESTAS

MARABILLOSO CONCERTO DE NADAL!

HOXE GOZAMOS MOITÍSIMO COA BANDA DE MÚSICA NAVAL MILITAR.

PARA FELICITAR AS FESTAS ... UNHA TARXETA DE NADAL!

ESTE ANO TAMÉN ELABORAMOS AS NOSAS TARXETAS DE NADAL. NON AS IMOS ENVIAR POR CORREO, COMO FIXEMOS O ANO PASADO.
ESTE ANO INTERCAMBIAREMOS AS NOSAS TARXETAS COAS NENAS E NENOS DA OUTRA AULA. ASÍ, OS NENOS E NENAS DE 4 ANOS A RECIBIRON AS TARXETAS DE 4 ANOS B, E VICEVERSA.
QUE NON NOS EQUIVOCAMOS AO REPARTIR AS POSTAIS!

TRAEMOS INFORMACIÓN SOBRE ANIMAIS MARIÑOS

DURANTE ESTAS ÚLTIMAS SEMANAS, OS EQUIPOS DA AULA EMPEZARON A TRAER INFORMACIÓN SOBRE ANIMAIS MARIÑOS.
XA SABEMOS MOITAS COUSAS SOBRE ANIMAIS CEFALÓPODOS, CRUSTÁCEOS, E ANIMAIS CON CUNCHA.
FÁLTANOS SABER SOBRE ANIMAIS MARIÑOS QUE NACEN DE OVOS E OUTROS ANIMAIS MARIÑOS QUE NON NACEN DE OVOS,PERO COMO ESTÁN XA AS VACACIÓNS DE NADAL, A INFORMACIÓN QUE AÍNDA NON TEMOS PODEREMOS TRAELA Á VOLTA.
QUE MATERIAIS EMPREGAMOS PARA APRENDER TODAS ESTAS COUSAS? POIS DE TODO: LIBROS, DEBUXOS, ADIVIÑAS, CUNCHAS, ...
MELLOR MIRADE AS FOTOS!

ENTRAMOS UN ANO MÁIS NAS FESTAS DE DECEMBRO

O PANDIGUEIRO OU APALPADOR É UN PERXONAXE TÍPICO DESTAS DATAS. É UNHA FIGURA LENDARIA GALEGA QUE ACHEGA AGASALLOS ÁS NENAS E AOS NENOS POR ESTAS DATAS.
PODEDES AXUDARNOS A COÑECELO UN CHISCO.
IMOS DEIXAR ACTIVIDADES PARA QUE AS FAGADES CONNOSCO.

ACTIVIDADES CO APALPADOR from xianadecide

COMEZAMOS COAS MOCHILAS VIAXEIRAS!!

MAÑÁ VENRES, OS NENOS E NENAS DE 4 ANOS, LEVARÁN POR PRIMEIRA VEZ AS MOCHILAS VIAXEIRAS A SÚA CASA.
DENTRO DELAS HAI LIBROS EN GALEGO, EN CASTELÁN, EN INGLÉS, CD'S DE MÚSICA, DVD, ... ATOPAREDES UNHA RELACIÓN DO MATERIAL QUE VAI DENTRO DA MOCHILA.
TAMÉN ATOPAREDES UN CADERNIÑO ONDE OS NENOS E AS FAMILIAS PODEN ESCRIBIR ALGUNHA SUXERENCIA, OU CONTARNOS QUE TAL LLES FOI A EXPERIENCIA.
IMPORTATÍSIMO!! LEVARÁN AS MOCHILAS OS VENRES E VOLVERÁN AO COLEXIO O XOVES, PARA QUE ASÍ OUTROS NENOS OU NENAS POIDAN LEVALAS PARA CASA E GOZAR DELAS.
POR FAVOR!! COIDADE O MATERIAL E ENSINARLLES AOS NENOS E NENAS A COIDALO E RESPECTALO, XA QUE É PARA COMPARTILO ENTRE TODOS.

ANIVERSARIOS NOVEMBRO

ESTE MES TIVEMOS UNHA MOREA DE ANIVERSARIOS TANTO NA CLASE DE 4 ANOS A COMO NA DE 4 ANOS B MOITÍSIMAS FELICIDADES A TODOS E TODAS!!!

TARXETAS PARA A MASCOTA

VEÑEN AS FESTAS DO INVERNO.
A NOSA MASCOTA TEN PROBLEMAS PARA REMITIR AS POSTAIS DE FELICITACIÓN.
ESTES DÍAS DEIXOUNOS UNHA CARTA PARA PEDIRNOS AXUDA.
TAMÉN NOS DEIXOU UNHA CAIXA CON MODELOS DE TARXETAS

Tarxetas que recibiron as mascotas from xianadecide

VISITAMOS A EXPOSICIÓN DE TROMPOS

HOXE VISITAMOS A EXPOSICIÓN DE TROMPOS FEITA POR TODOS E TODAS AS NENAS E NENOS DO COLE.
NELA ATOPAMOS O CARTEL QUE FIXEMOS PARA ESTE EVENTO E TENTAMOS ATOPAR OS TROMPOS QUE FIXEMOS XUNTO COS ALUMNOS E ALUMNAS DE SEXTO DE PRIMARIA.

LOITANDO CONTRA O MALTRATO

NESTES DÍAS ESTAMOS LENDO E TRABALLANDO CUNS CONTOS MOI ESPECIAIS.
A TRAVÉS DESTES CONTOS OBSERVAMOS SITUACIÓNS DE DISCRIMINACIÓN E FALAMOS SOBRE ELAS PARA APRENDER A EVITALAS.
SE QUEREDES, NA CASA TAMÉN NOS GUSTARÍA FALAR CONVOSCO DE TODO ISO, AQUÍ ESTÁN OS CONTOS:

Alá no planeta machis from xianadecide

Maruxa from xianadecide

FACEMOS UN PROXECTO SOBRE OS ANIMAIS DO MAR

XA HAI UNS POUCOS DÍAS QUE COMEZAMOS A TRABALLAR SOBRE OS ANIMAIS. TODO SE INICIOU CUNS CROMOS...
ESTIVEMOS CLASIFICÁNDOOS, ORDENÁNDOOS,...
O CASO É QUE DECIDIMOS APRENDER SOBRE OS ANIMAIS MARIÑOS.
E CON ESE PROXECTO ANDAMOS.

FESTEXANDO O MAGOSTO

O VENRES, MALIA QUE O TEMPO NON ACOMPAÑABA, CELEBRAMOS O NOSO SEGUNDO MAGOSTO NO "COLE".
ESTE ANO O TEMA XIRABA AO REDOR DO XOGO CON TROMPOS.
DESPOIS DO RECREO, OS NENOS E NENAS DE INFANTIL, AO SON DA CANCIÓN GHAVOTA, GHAVOTA QUE NOS ENSINOU LOLA, FIXEMOS UN XOGO POR GRUPIÑOS MÁIS PEQUENOS.
DESPOIS COMEMOS AS CASTAÑAS QUE ASOU PACO, TODAS E TODOS CONXUNTAMENTE.
PARA REMATAR, ALGÚNS PAIS VIÑERON BAILAR OS TROMPOS E TAMÉN ALGÚN COMPAÑEIRO E ALGUNHA COMPAÑEIRA SE ANIMOU.

ANIVERSARIOS OUTUBRO

ESTE MES FIXERON CATRO ANOS 3 NENAS, ENMA, ESTHER E NATALIA. DESEXÁMOSLLES UN FELIZ ANIVERSARIO. MOITÍSIMAS FELICIDADES A TODAS!

DESEÑO DE TROMPOS

HOXE OS NENOS E NENAS DE 5º BAIXARON ÁS NOSAS CLASES PARA AXUDARNOS A DECORAR UN TROMPO. COMO BASE EMPREGAMOS AS CORES DO OUTONO, AÍNDA QUE ALGÚNS E ALGUNHAS DECIDIMOS ENGADIR ALGO DE PURPURINA OU MESMO OUTRAS CORES. PROXIMAMENTE COS TROMPOS FAREMOS UNHA EXPOSICIÓN CO GALLO DO MAGOSTO.

CONTOS DE MEDO

COMO XA ESTÁ PRETO O SAMAÍN, DURANTE ESTA SEMANA FOMOS UN DIA Á BIBLIOTECA A ESCOITAR CONTOS DE MEDO.
DÁBANOS UN POUQUIÑO DE MEDO ENTRAR NELA, PORQUE ESTABA DECORADA CON ARAÑAS E ESQUELETOS E ESTABA A ESCURAS. PERO COMO IAMOS ACOMPAÑADOS DAS "PROFES", ENSEGUIDA NOS TRANQUILIZAMOS E ESCOITAMOS MOI ATENTOS O CONTO QUE NOS CONTABA A "PROFE" SUSANA.

CHEGA ANTÍO E ...

DURANTE ESTA SEMANA CHEGA ANTÍO ÁS NOSAS CLASES PARA FACERNOS UN ENCARGO RELACIONADO CO OUTONO E O MAGOSTO.

TEMOS QUE DESEÑAR UNS TROMPOS E ELABORAR UN CARTEL QUE DESPOIS UTILIZAREMOS PARA PUBLICITAR UNHA EXPOSICIÓN QUE FAREMOS COS NENOS E NENAS DE TODO O "COLE".

QUE É?

NESTA SEMANA APARECEU NA AULA UNHA BOLSA CON ALGO DENTRO. COAS "PROFES" FIXEMOS UN XOGO PARA TENTAR AVERIGUAR O QUE HABÍA DENTRO, PERO SEN MIRAR! NA AULA DA "PROFE" ESTHER OS NENOS DICÍAN COUSAS COMO: - ESTÁ FEITO DE FOLLAS. - CANDO TOCAS, PINCHA. - HAI PALLA. - ESTÁ SECA. - AO TOCAR PARECE QUE TOCAS UNHA ÁRBORE. CANDO QUEDABAN 2 NENOS PARA PODER VER O QUE HABÍA DENTRO AVERIGUARON O QUE ERA: UN NIÑO DE PAXARO!

OS DIARIOS DO VERÁN

DENDE QUE COMEZOU O CURSO, TODOS OS DIAS, DEDICAMOS UNS MINUTIÑOS PARA VER OS DIARIOS DE VERÁN QUE ELABORARON OS NOSOS COMPAÑEIROS E COMPAÑEIRAS.
NESTES DIARIOS DEIXARON CONSTANCIA DE TODO OU CASE TODO O QUE FIXERON NESTE TEMPO DE VACACIÓNS: VIAXES, PRAIA, FESTAS DA PEREGRINA, FEIRA FRANCA, ...
BO TRABALLO!

ANIVERSARIOS DE SETEMBRO

DURANTE O MES DE SETEMBRO TIVEMOS QUE CELEBRAR OS ANIVERSARIOS DE CATRO RAPAZAS. E QUE CASUALIDADE, AS CATRO CUMPRIRON CATRO ANOS! MOITÍSIMAS FELICIDADES A TODAS!!!!

COMEZAMOS EN CATRO ANOS!

NESTA SEMANA VAN COMEZAR AS CLASES.
TEREMOS NOVAS AULAS E COMO SOMOS MAIORES IREMOS PARA O OUTRO EDIFICIO.
SEGURO QUE AS NOSAS MASCOTAS XA COÑECEN AS AULAS NOVAS E OS MATERIAIS QUE ALÍ HAI.
QUE FARÍAN AS MASCOTAS NO VERÁN? MANDARANNOS UNHA CARTA PARA DICIRNOS ONDE ESTIVERON?
VÉMONOS O DÍA 10!

REMATOU O NOSO PRIMEIRO CURSO NO COLEXIO

HOXE, DESPOIS DUNHA FESTA DE FIN DE CURSO...
REMATA O NOSO PRIMEIRO ANO NO COLEXIO.
VÉMONOS EN SETEMBRO, CURSO NO QUE XA ESTAREMOS EN 4 ANOS.

VACACIÓNS PARA APRENDER

IMOS DE VACACIÓNS, PERO PODEMOS APRENDER MOITO...
- OBSERVANDO AO NOSO REDOR
-APRENDENDO PALABRAS NOVAS
-XOGANDO COA AREA E COA AUGA
-ESCOITANDO CONTOS
-...
AQUÍ TENDES SUXESTIÓNS

Suxestións para o verán 2015 i3 from xianadecide

ANIVERSARIOS DE XUÑO, XULLO E AGOSTO

AÍNDA QUE NESTE MES REALMENTE SÓ CUMPREN 4 ANOS ALGÚNS E ALGUNHAS NENAS, NON IAMOS DEIXAR SEN COROAS AOS NENOS E ÁS NENAS QUE TEÑEN OS SEUS ANIVERSARIOS EN XULLO E AGOSTO POR NON TER "COLE"!
ASÍ QUE PARA TODAS E TODOS UNHA FORTÍSIMA APERTA E MOITAS FELICIDADES!
AH! E FELICES VACACIÓNS!

KEITH HARING

COMO XA VOS COMENTAMOS NUNHA ENTRADA ANTERIOR, ADEMAIS DE APRENDER COUSAS SOBRE O CORPO, TAMÉN APRENDEMOS SOBRE KEITH HARING.
AS SILUETAS SOBRE O CORPO XA ESTÁN REMATADAS, O ÚNICO QUE NOS QUEDA É FACER A COMPOSICIÓN DELAS PARA QUE NOS QUEDE A NOVA VERSIÓN DA SÚA OBRA.
E ISO, DEIXÁMOLO PARA O CURSO QUE VÉN.

<embed type="application/x-shockwave-flash" src="https://photos.gstatic.com/media/slideshow.swf" width="288" height="192" flashvars="host=picasaweb.google.com&hl=es&feat=flashalbum&RGB=0x000000&feed=https%3A%2F%2Fpicasaweb.google.com%2Fdata%2Ffeed%2Fapi%2Fuser%2F100507985946965781267%2Falbumid%2F6160312605367857777%3Falt%3Drss%26kind%3Dphoto%26hl%3Des" pluginspage="http://www.macromedia.com/go/getflashplayer"></embed>

VISITA ÁS NOSAS AULAS DO ANO QUE VÉN

PARA QUE O ANO QUE VÉN NON NOS PILLE DE NOVAS, ESTA SEMANA VISITAMOS AS AULAS QUE IMOS TER O ANO QUE VÉN, E DE PASO COÑECER AS NENAS E NENOS QUE ESTIVERON NELAS ESTE ANO.
MÁIS QUE NADA PARA QUE NOS CONTEN QUE COUSAS HAI NELAS, QUE FIXERON, SE HAI XOGUETES, ETC.

OBRADOIRO DE SABORES

AO LONGO DESTA SEMANA, AS NENAS E NENOS PUIDERON COMPROBAR QUE NON TODOS OS SABORES SON IGUAIS.
APRENDERON QUE A LINGUA É O ÓRGANO DO CORPO QUE UTILIZAMOS PARA RECOÑECELOS E QUE GRAZAS ÁS PAPILAS GUSTATIVAS, QUE ESTÁN NELA, PODEMOS AVERIGUAR A QUE SABEN OS ALIMENTOS QUE COMEMOS.
AS PAPILAS GUSTATIVAS NON TRABALLAN SEMPRE, POR ISO CADA DIA FIXEMOS UN EXPERIMENTO CUN SABOR DISTINTO E APRENDEMOS QUE GRUPIÑO DE PAPILAS GUSTATIVAS ESTÁN TRABALLANDO NESE MOMENTO.
O MARTES TRABALLAMOS CO SABOR DOCE E MESTURAMOS AUGA E AZUCRE. ESTABA MOI BO E ALGÚNS ATA REPETIRON.
O XOVES MESTURAMOS AUGA E SAL. ALGÚNS E ALGUNHAS DICÍAN QUE ESTABA BOA AÍNDA QUE A SÚA CARA DICÍA TODO O CONTRARIO.
ALGÚNS LEMBRARON CANDO VAN Á PRAIA E TRAGAN SEN QUERER UN POUQUIÑO DE AUGA.

ANIVERSARIOS MAIO

PARA REMATAR O MES DE MAIO, NADA MELLOR QUE FACELO CUNHA CELEBRACIÓN.
O ANIVERSARIO DALGÚNS NENOS E NENAS DE 3 ANOS.
FELICIDADES A TODAS E TODOS POR ESES 4 ANOS RECÉN CUMPRIDOS!

QUE PISAMOS?

PISAMOS COS NOSOS PÉS O CHAN...
E O SOLO...
ONDE ESTÁ?
A NOSA MASCOTA DA CLASE MANDOUNOS UNHA CARTIÑA PARA PREGUNTARNOS:
QUE É O SOLO?
POR QUE TEREMOS QUE COIDALO?
NESTA SEMANA VINDEIRA CELEBRARASE O DÍA DO MEDIOAMBIENTE. NÓS ESTE ANO IMOS REFLEXIONAR SOBRE O COIDADO DO SOLO PORQUE...
TAMÉN É O ANO INTERNACIONAL DO SOLO!

LECTURA DE POESÍAS

E AGORA TOCOU LER AS POESÍAS QUE FIXEMOS NAS AULAS A TODO O ALUMNADO DE INFANTIL.
COMO O FIXEMOS TAN BEN DÉRONNOS UN DIPLOMA E UN AGASALLO.
AO REMATE, O CORO DO COLE INTERPRETOU DÚAS PEZAS.

LEMBRADES OS NOSOS LIBROS FAVORITOS?

ESTE ANO ESTIVEMOS PRESENTANDO Á CLASE OS NOSOS LIBROS FAVORITOS.
SE QUEREDES LELOS... AQUÍ VOLOS PRESENTAMOS TAMÉN A VÓS

MES DE MAIO, MES DAS NOSAS LETRAS

ESTE MES DE MAIO ESTÁ DEDICADO AS LETRAS GALEGAS E NAS CLASES ESTAMOS TRABALLANDO MOITO, FACENDO RIMAS E TAMÉN COA BIOGRAFÍA DE XOSÉ FILGUEIRA VALVERDE, ESCRITOR HOMENAXEADO ESTE ANO.
COLABORAREMOS TAMÉN NO MURAL DEDICADO A ESTE ESCRITOR PONTEVEDRÉS IGUAL QUE O RESTO DO COLEXIO
O VENRES DÍA 15 TIVEMOS NO COLE A ACTUACIÓN DA CANTANTE UXÍA CO SEU ESPECTÁCULO MARÍA FUMAÇA., PASÁMOLO XENIAL CANTANDO E TAMÉN BAILANDO.

ENTREGAMOS A LAMPI UNHA CARTA COA NOVA SELECCIONADA NAS AULAS.

DESPOIS DE TRABALLAR COA PRENSA, REALIZAMOS O ENCARGO QUE NOS FIXERA LAMPI: SELECCIONAR UNHA NOVA DE XORNAL ENTRE TODOS E TODAS, AS E OS NENOS DA AULA E CONTARLLE O POR QUE DESA ESCOLLA
. UNHA VEZ FEITA A CARTA ENTRE TODOS E TODAS, LEVÁMOLA ATA A BIBLIOTECA E ALÍ, APROVEITAMOS PARA FACER "O NOSO TEMPO DE CONTO".
ESPERAMOS QUE LAMPI ESTEA CONTENTO COA NOSA CARTA!

SEMANA DA PRENSA

POR MOR DA SEMANA DA PRENSA, AS NENAS E NENOS DE 3 ANOS TAMÉN ESTIVEMOS TRABALLANDO CON PRENSA ESCRITA.
POR EQUIPOS ESTIVEMOS FALANDO DO QUE SABIAMOS SOBRE OS XORNAIS, ESTIVEMOS TOCÁNDOOS, BUSCANDO NÚMEROS, LETRAS, FOTOGRAFÍAS, ESCRIBINDO EN ESCRITURA ESPONTÁNEA UN PÉ DE FOTO, INCLUSO FIXEMOS UNHA ACTIVIDADE PLÁSTICA.

QUE TOCO?

CONTINUAMOS TRABALLANDO CO TACTO.
POR ISO IMOS ELABORAR ENTRE TODAS AS NENAS E NENOS DE CADA CLASE UN CADERNO DE TEXTURAS.
CADA DIA, UN NENO OU NENA LEVARÁ O LIBRO DE TEXTURAS A CASA E COA AXUDA DE PAPÁ E MAMÁ ELEXIRÁN A TEXTURA QUE MÁIS LLES GUSTE PARA POÑER NA PÁXINA QUE LLES TOQUE. TAMÉN ESCRIBIRÁN O QUE É, COMO NO EXEMPLO DAS "PROFES", CON LAPIS.
IMPORTANTÍSIMO!!!!!
HAI QUE TRAELO DE VOLTA AO "COLE" O DIA SEGUINTE (PORQUE SENÓN NON PODEREMOS REMATALO ESTE CURSO)E AS TEXTURAS NON SE PODEN REPETIR.
A IMAXINACIÓN AO PODER!
NO CADERNO QUE LEVARÁN OS NENOS E NENAS APARECE UNHA FOLLA CON ALGUNHAS IDEAS.

ANIVERSARIOS DE ABRIL

XA ESTÁ AQUÍ, XA CHEGOU ... O ÚLTIMO DIA DE ABRIL.
E POR CERTO, MOI ESPERADO POLOS E POLAS "CUMPLEAÑERAS E CUMPLEAÑEROS".
E ISO QUE O TEMPO NON ACOMPAÑABA.
DE TODOS OS XEITOS ...
FELIZ ANIVERSARIO!

MÁIS SOBRE KEITH HARING

DESPOIS DE PRACTICAR IMITANDO OS DEBUXOS DE KEITH HARING, POÑÉMONOS EN CONTACTO COS ALUMNOS E ALUMNAS DE 5º DE PRIMARIA PARA QUE NOS AXUDEN A PLASMAR AS NOSAS SILUETAS NUN PAPEL CONTINUO.
O NOSO OBXECTIVO É FACER OUTRA VERSIÓN SOBRE ESTA OBRA.
CANDO A TEÑAMOS LISTA VOLA ENSINAREMOS.

O DÍA DO LIBRO NO COLEXIO

AÍ VÉN O DÍA DO LIBRO.
NO COLEXIO ESTAMOS A REALIZAR VARIAS ACTIVIDADES PARA CELEBRALO:
- PRESENTAMOS O LIBRO QUE MÁIS NOS GUSTA, PARA ANIMAR ÁS COMPAÑEIRAS E COMPAÑEIROS A LELO, PARA QUE NOS COÑEZAN MELLOR RECOÑECENDO OS NOSOS GUSTOS LECTORES E PARA EXPRESARNOS ORALMENTE. DESPOIS RECOLLEMOS ESA PRESENTACIÓN NUNHA FICHA. CON TODAS AS FICHAS IMOS REALIZAR UN LIBRO. XA VEREDES QUE BONITO!
- TRABALLAMOS SOBRE O LIBRO, OS SEUS ELEMENTOS, COMO SE GARDAN NAS BIBLIOTECAS,...
- FALAMOS DOS ARTILUXIOS QUE EXISTEN AO REDOR DO LIBRO
 - COMENTAMOS POR QUE SE CELEBRA O DÍA DO LIBRO O 23 DE ABRIL. APRENDEMOS SOBRE CERVANTES E SOBRE A SÚA OBRA CUME,MÁIS CONCRETAMENTE SOBRE A AVENTURA DOS MUÍÑOS.

COÑECENDO A ... KEITH HARING

APROVEITANDO QUE ESTAMOS APRENDENDO COUSAS SOBRE O CORPO, IMOS COÑECER UN POUQUIÑO A OBRA DE KEITH HARING QUE FAI UNHA OBRA PICTÓRICA XENIAL CO CORPO EN MOVEMENTO.
KEITH HARING É UN IMPORTANTE ARTISTA AMERICANO DO SÉCULO ANTERIOR CUXA OBRA ESTÁ BASEADA NOS DEBUXOS ANIMADOS DA TELEVISIÓN.
AS OBRAS COAS QUE ESTAMOS TRABALLANDO SON SILUETAS SOBRE O CORPO HUMANO, E DESPOIS DE VELAS ... TENTAMOS IMITALAS!.

O OLFACTO

DENTRO DO PROXECTO DO CORPO, ESTAMOS A TRABALLAR O SENTIDO DO OLFATO.
"AS PROFES" TROUXERON Á CLASE VINAGRE, CAFÉ, ALCOHOL, COLONIA, LARANXA, AMORODOS, PEMENTA E SUAVIZANTE, E POR GRUPOS, TIÑAMOS QUE TENTAR ADIVIÑAR QUE PRODUTO ERA O QUE ESTABAMOS CHEIRANDO E DECIDIR SE NOS GUSTABA OU NON.

ANIVERSARIOS MARZO

NON PODEMOS MARCHAR DE VACACIÓNS DE SEMANA SANTA SEN FELICITAR A ESTES DOUS NENOS QUE, POR CERTO, FAN 4 ANOS. MOITOS BICOS E MOITÍSIMAS FELICIDADES! E ... PASÁDEO BEN NESTAS VACACIÓNS!

QUE VEMOS DENDE A VENTÁ DA NOSA CASA?

NO NOSO TRABALLO SOBRE O CORPO FACEMOS UNHA PARADIÑA PARA VER QUE SABEMOS SOBRE OS SENTIDOS. POR ISO, REFLECTIMOS NESTA ACTIVIDADE O QUE VEN OS NOSOS OLLOS CANDO MIRAMOS POR UNHA DAS VENTÁS DA NOSA CASA.
NA CLASE CONTÁMOLO AOS NOSOS COMPAÑEIROS E COMPAÑEIRAS E ...
QUE CURIOSO! MOITOS E MOITAS COINCIDEN!

COMEZAMOS PROXECTO ....O CORPO!

COMEZAMOS UN NOVO PROXECTO. AGORA IMOS TRABALLAR SOBRE O CORPO.
DURANTE ESTAS ÚLTIMAS SEMANAS ESTIVEMOS RECOMPILANDO DATOS SOBRE AS COUSAS QUE SABIAMOS DO CORPO HUMANO.
HOXE ESTIVEMOS NA BIBLIOTECA ESCOLMANDO OS LIBROS QUE NOS SERVIRÁN PARA APRENDER MOITÍSIMAS COUSAS MÁIS.
LAMPI, A MASCOTA DA BIBLIOTECA, DEIXOUNOS AS MESAS PREPARADAS CON LIBROS QUE FALABAN DO CORPO, PERO TAMÉN OUTROS QUE NON FALABAN SOBRE EL.
ESTA LAMPI É UN POUCO DESPISTADA!
SE NECESITAMOS ALGUNHA AXUDIÑA XA VOLA PEDIREMOS.
DE TODOS OS XEITOS, GRAZAS.

ANIVERSARIOS DE FEBREIRO

DESPOIS DA FESTA DO ENTROIDO CHEGA A HORA DE CELEBRAR OS ANIVERSARIOS DAS NENAS E NENOS DE INFANTIL DE 3 ANOS.
AÍNDA QUE ESTE MES É MÁIS CURTIÑO QUE OS OUTROS NON PODEMOS REMATALO SEN FELICITAR A TODOS ESTES NENOS E NENAS QUE FAN 4 ANIÑOS.
POR CERTO, COLOUSE UNHA ALUMNA NOVA NESTA ENTRADA DE ANIVERSARIOS. COÑECÉDELA?
PREGUNTADE AOS NENOS E NENAS, SEGURO QUE ELAS E ELES SI QUE A COÑECEN.
FELICIDADES!!!

O ENTROIDO, QUE NERVIOS!!

POR FIN CHEGOU O DIA!
ESTAMOS UN POUCO NERVIOSOS E NERVIOSAS PORQUE AO FIN PODEREMOS POÑERNOS OS NOSOS TRAXES DE SUPERHEROES E SUPERHEROÍNAS.
HOXE É UN DIA MOI LONGO PARA NÓS: TRABALLAMOS NO "COLE" COMO TODOS OS DIAS, DISFRAZÁMONOS, VEÑEN OS PAPÁS, MAMÁS, AVÓS E AVOAS, ..., ALGÚNS EMPEZAMOS A CHORAR PORQUE QUEREMOS MARCHAR CON ELES E ELAS, DESFILAMOS E VEMOS COMO QUEIMAN AO POBRE VILAVERDIÑO.
MOITAS COUSAS NUNHA MAÑÁ!!

E ESTAMOS NO ENTROIDO!

NESTES DÍAS ESTAMOS A TRABALLAR SOBRE O ENTROIDO.
FACEMOS O NOSO DISFRACE DE SUPERHEROES E SUPERHEROÍNAS PORQUE ESTE ANO O ENTROIDO NO COLE VAI DE CIENCIA-FICCIÓN.

AÍ VÉN O ENTROIDO

DE SUPERHEROES

FAN MOITAS COUSAS

E NADA LLES DOE.

GÚSTANME MOITO

AS SUPERHEROÍNAS

TEÑEN SUPERPODERES

E SON MOI ATREVIDAS

Á CAPITANA AMÉRICA

VEREMOS DESFILAR,

TAMÉN A ELASTIC GIRL

E AOS DOUS TÍOSMÁN

AÍ VÉN O ENTROIDO

DE SUPERHEROES

FAN MOITAS COUSAS

E NADA LLES DOE.

ANIVERSARIOS DE XANEIRO

OS PRIMEIROS ANIVERSARIOS DESTE NOVO ANO 2.015 XA ESTÁN AQUÍ!
E VEÑEN NESTE DIA ESPECIAL, NESTE DIA NO QUE CELEBRAMOS O DIA DA PAZ.
POLO TANTO ...
MOITÍSIMA PAZ E FELICIDADES PARA TODOS E TODAS!!.

TRABALLAMOS SOBRE A PAZ

QUE PENSAMOS NÓS QUE É A PAZ?
CANDO NOS PREGUNTARON AS "PROFES" QUE É A PAZ, O ÚNICO QUE SABIAMOS ERA QUE PAZ, É A PROFESORA QUE NOS DA EDUCACIÓN FÍSICA.
PERO DESPOIS DE FALAR, VER CONTOS E UNHA PRESENTACIÓN QUE NOS PUXERON AS NOSAS "PROFES" PUIDEMOS COMPROBAR QUE HAI PAZ CANDO ...
- ESTAMOS CONTENTOS.
- COIDAMOS A NATUREZA.
- NOS QUEREMOS.
- AXUDAMOS NA CASA.
- NON PELEXAMOS.
- CANDO FACEMOS AGASALLOS.
- CANDO LEMOS..
- CANDO SORRIMOS..
- CANDO ESTAMOS EN SILENCIO.
- CANDO TRATAMOS BEN ÁS NOSAS COMPAÑEIRAS E AOS NOSOS COMPAÑEIROS.


ESTAMOS A REFLEXIONAR SOBRE ISO NA CLASE E DESPOIS IMOS RECOLLELO NUN DEBUXO PARA XOGAR AO DOMINÓ DA PAZ NO PATIO




 A PROFE LOLA XA NOS AXUDA CUNHA CANTIGA QUE FALA DE PAZ E AMIZADE . ESTA CANCIÓN TITÚLASE "APERTAS QUE VOAN" E ESTÁ NUN CD QUE SE CHAMA "BRINCA VAI".

E O VENRES, 30 DE XANEIRO DÍA DA PAZ,SAÍMOS O PATIO PARA PEGAR A NOSA FICHA DE DOMINÓ E DESPOIS, COMO CHOVÍA MOITO FOMOS AO PAVILLÓN XUNTO COS DEMAIS NENOS E NENAS DE INFANTIL CANTAR A CANCIÓN APERTAS QUE VOAN ,FIXÉMOLO MOI BEN. AQUÍ VOS DEIXAMOS ALGUNHAS FOTOS DESTE FERMOSO DÍA.

IMOS COMEZAR UN NOVO PROXECTO...

NESTES DÍAS LEMOS UN CONTO QUE FALA DO CORPO...
PERO... QUE SABEMOS NÓS SOBRE O CORPO?
IMOS COMEZAR UN PROXECTO E XA VOS IREMOS COTANDO COMO VAI.