Este venres 12 de febreiro celebramos o Entroido no colexio. Non foi coma todas e todos quixeramos, mais fixémolo que puidemos para divertírmonos. Algunhas nenas e algúns nenos ata se animaron a vir disfrazados da casa, outros optaron por seguilo mandado de Vilaverdiño e vir coma o galo nos dixo ao longo de toda a semana. Para as merendas trouxemos sobremesas típicas destas datas, escoitamos música de Entroido. Asemade, vimos unha montaxe virtual na que se lle fixo o xuizo da mascota, léronse as súas últimas vontades e cantáronselle as ladaíñas.
Ogallá que todo sexa diferente o vindeiro ano, e podamos volver a compartir esta festa, co desfile de antano e con toda a comunidade educativa!
Ningún comentario:
Publicar un comentario