OBRADOIRO PRÁCTICO DE PREVENCIÓN DA DOR DE COSTAS

Hoxe tivemos a segunda parte do OBRADOIRO de PREVENCIÓN da DOR DE COSTAS. Estivo a cargo do fisioterapeuta Manuel Fraiz.

Quedaramos emprazadas e emprazados para poñer en práctica todo o que aprendimos na primeira sesión de XANEIRO, o que limos no folleto explicativo que se nos achegou e as instruccións do cartel que temos  na clase.

Revisamos como recoller obxectos do chan sen forzar as costas, como manter unha postura axeitada na cadeira, na lectura e na escritura. Por mor da pandemia e protocolo COVID non traballamos nin manipulamos mochilas.

Os malos hábitos teñen consecuencias na nosa saúde...así que intentaremos seguir levándoo á práctica todos os consellos recibidos.